Anzianus: cursu contra a is trampas e a is alluinamentus cenàbara in su círculu Acli de Gèsigu

(IlMinuto) – Casteddu, 4 de su mes''e fiàrgiu - Comenti prevèniri is trampas chi bint meda bortas is anzianus comenti protagonistas? A custa dimanda at a arrespundi su seminàriu aprontau de su círculu Acli de Gèsigu po cenàbara a merì a is 17.00. A s'atóbiu at a participai un'abbogau chi at a ammostai is ténnicas prus bellas contra a is trampas e at a tenni una lezionedda interessanti fueddendi de is dirittus de is consumadoris. "Is cittadinus, e meda de prus is anzianus - si podit liggiri in d'una nota -, funt is prus de is bortas vittimas de is alluinamentus de is delincuentis chi si presentant cun gentilesa e garbu. Po custu motivu is Acli ant bófiu fai una campagna informativa po prevèniri cantu acontessit. Su seminàriu fai parti de su progetu "Anziani Risorsa Sociale".