Alcoa: atóbiu nou in Palazzo Chigi. Scajola: "Seu positivu"

(IlMinuto) - Casteddu, 11 de su mes''e fiàrgiu - Atóbiu nou e "conclusívu" po sa vertenza Alcoa. Custumerì a is 20.00 in sa reunioni de Palazzo Chigi s'ant a sezi i rappresentantis de su Guvernu, de s'azienda e de sa Regioni. Is operàjus de sa multinazionali de s'allumíniu de Portovesmi e Fusina s'ant a donai apuntamentu a facc''e sa sedi de su Guvernu po un'ateru atóbiu, innì ant a abetai s'arrisurtau de reunioni. "Po Alcoa seu positivu", at nau custu mangianu in d'una cuferénzia stampa chi s'est tenta in Verona su ministru de su "Sviluppo Economico" Claudio Scajola. "Pensu ca a pustis de totu cussu chi eus tentau de s'imbentai - at nau - custumerì s'azienda s'at a donai un'arrespusta positiva".