Zona pedonali e parcheggius in su centru de Casteddu. Gig e Amici Terra: "Vantàgius dubbiósus, tràvigu sprixuriau"

(IlMinuto) – Casteddu, 13 de su mes''e gennargiu - Sa proposta de s'assessori comunali de su personali Giuseppe Farris de serrai a su tràvigu e de "fai pedonali" su centru de Casteddu - particolarmenti via Roma e su largu Carlo Felice - benit arregorta cun arresselu de su "Gruppo d'Intervento Giuridico" e de is "Amici della Terra". "No at essi - spiegant cun d'una nota is duas associazionis - ca 'calincunu' bollit ponni is manus ainnantis primu de su possíbbili dannu de su tràvigu po mori de is traballus de su cantiéri chi at a depi fai su parcheggiu sutterraneu in via Roma?". Difatis, in sa pàgina Facebook de s'esponenti de sa Giunta Floris sa proposta de fai sa zona pedonali est acapiada a su "afortiamentu de is parcheggius chi ant essi colegaus cun s'ispaziu pedonali cun d'unu serbíziu de màchinas elettricas". Po Gig e "Amici della Terra" sa costruzioni de su maxi parcheggiu at a sciambullai po annus su tràvigu cittadinu "cun vantàgius dubbiósus, biu ca ancora no ddoi est unu pranu de su tràvigu definitivamenti aprovau". Diversu cussu chi pensat Legambiente Sardigna. "Prus de 15 annus fait sa proposta de una prazza manna in su mari arribbat scéti de organizzazionis ambientalistas mannas. Finalmenti - si podit liggiri in su comunicau - si torrat a chistionai de sa pedonalizzazioni de via Roma e de ateras istradas de Casteddu. Su progetu de trasformai s'area in d'una prazza manna no est perou una cosa fàcili (...) e tenit bisóngiu de unu progetu cumplessu".