Vinyls: si firmat sa chímica in Pòrtu Turre. Cgil, Cisl e Uil proclamant s'isciòpiru. Prc: "Tocat cordinai is vertenzas"

(IlMinuto) – Casteddu, 22 de su mes''e gennargiu - Is traballantis de sa Vinyls no funt solus. Gióbia chi benit su 28 de su mes''e gennargiu totu su polu industriali de Pòrtu Turre s'at a firmai po una diri: Cgil, Cisl e Uil ant difatis proclamau s'isciòpiru de is chimicus cun s'obbiettivu de torrai a portai s'atenzioni a sa vertenza. S'isciòpiru at essi precediu martis de una "fiaccolata" de solidariedadi aprontada de sa crésia de su logu, chi at a passai in totu sa cittadi po arribbai a sa Turri Aragonesa, ocupada de su 7 de su mes''e gennargiu de is traballantis de sa Vinyls. Is circa 140 dipendentis - in cassa integrazioni - funt determinaus a sighiri sa protesta finzas a torrai a ponni in motu sa produzioni. Su Prc Sardigna est uniu a is traballantis de sa Vinyls e proponit su "collegametu de totus is vertenzas de s'Isola atressu unu cordinamentu permanenti de is traballantis, chi dongat forma a is lotas prus giustas po tutu sa chistioni".