Vinyls de Pòrtu Turre: Ferrero (Federazioni de sa Sinistra), "Su Guvernu fazzat calincuna cosa. In Sardigna a arriscu 4.550 postus de traballu

(IlMinuto) - Casteddu, 14 de su mes''e gennargiu - "Sa Federazioni de sa Sinistra e su Prc esprimint sa solidariedadi e sa vicinanzia insoru a is traballantis de sa Vinyls de Pòrtu Turre, chi ocupant sa turri aragonesa de sa cittadi po protestai contra a sa serrada de is impiantus "cloroderivati" de s'istabilimentu de Pòrtu Turre". Ddu narat cun d'una nota s'esponenti de sa Federazioni de sa Sinistra, Paolo Ferrero. "Custa serrada - sighit Ferrero - at a tenni efetus grais po sa chímica in Sardigna e po cussa italiana in generali. Eni bollit su pagamentu de una fianza meda manna po furniri is materias primas nezzessarias a Vinyls po torrai a ponni in motu is impiantus e est una brigungia mala ca su Guvernu italianu no fazzat nudda de profetosu po sa vizenda". In su trastempus, a pustis de custa serrada annunziada - finit su segretariu de su Prc - funt a arriscu 4.500 postus de traballu in Sardigna. Custu fait diventai meda prus gravi una situazioni giai posta mali".