Uraniu "impoverito": in Bidda de Putzu e in Cossoine sa presentada de "Il Pettine senza denti" de Campus

(IlMinuto) - Casteddu, 29 de su mes''e gennargiu - At essi presentau sàbudu in Bidda de Putzu (Iscolas elementaris, 17.30) e domìnigu 39 in Cossoine ("Centro di Documentazione Cossu", 17.00) "Il pettine senza denti": su contu de inchiesta e de dinunzia de Eugenio Campus chi chistionat de is atttividadis chi is sordaus  faint in su "Poligono interforze" de Quirra e de is effettus de su sperimentu de armas chi tenit uraniu "impoverito" po sa popolazioni de su territoriu. In ocasioni de is duas presentadas s'at a tenni unu dibatidu po chistionai de cantu funt efficacis is contus usaus comenti istrumentus de dinunzia. A su dibatidu ant a paricipai s'istudiosa M.A. Gatti de s'Universidadi de Modena-Reggio Emilia, s'esponenti de su "Comitato Gettiamo le Basi" Mariella Cao, su sindigu de Bidda de Putzu, Antonio Pili, sa maista de "Letteratura e Storia" in is iscolas superioris de su Sarrabus, Elisabetta Pitzurra, e s'istudiosu de s'"Istituto nazionale di Fisica nucleare", Massimo Coraddu.