Universidadi: Bruno (Pd), su bandu nou po is assignus de meritu escludit is istudiantis de s'Universidadi cun prus de 25 annus

(IlMinuto) - Casteddu, 7 de su mes''e gennargiu - Su bandu nou de sa Regioni po donai is assignus de meritu a is istudiantis de s'Universidadi fait diferenzias. Est cantu dinunziat su consilleri regionali de su Partidu Democratico Mario Bruno. Su principiu pubblicau su 31 de su mes''e paschixèdda - narat s'esponenti democraticu - escludit de is assignus de meritu "is istudiantis iscrittus in cursu po is annus successivus a su primu in s'annu accademicu 2008/2009" chi tenint prus de 25 annus in su momentu de s'iscrizioni. "Unu limiti - narat Bruno - chi no fiat presenti in su bandu pubblicau in su cursu de sa legisladura passada e chi tenit medas cusseguenzias, poita escludit cussus chi, candu fiant prus giovuneddus, ant lassau is istudius po diversus motivus e immoi si bollint pigai sa laurea".