Últim'ora: is operàjus de s'Alcoa blocant sa 131 po difendi su traballu

(IlMinuto) – Casteddu, 28 de su mes''e gennargiu - Sighit sa batalla po su traballu de is operàjus de s'Alcoa. Custu mangianu unu grupu de traballantis de s'istabilimentu at blocau su tràvigu in sa 131 abbias de Casteddu acanta de sa "Corte del Sole" (chilómitru 10) po nai ancora una borta no a sa cassa integrazioni e a sa serrada de is impiantus, annunziau martis in Roma de sa multinazionali de s'allumíniu. Un'atóbiu nou tra su Guvernu e s'Alcoa est in programma in sa sedi de su Ministeru de su "Sviluppo economico" po su 5 de su mes''e fiàrgiu: una data chi is traballantis bint comenti meda atesu e pedint chi bengat anticipada. "Su Guvernu - at declarau su segretariu generali de sa Cgil Enzo Costa - depit sighiri sa tratativa e depit afirmai cun craresa ca sa produzioni de s'allumíniu est nezzessaria po s'Italia, chi giai importat s'80 po centu de s'ibbrunúsciu. Pedeus a su Guvernu de si sezi in s'atóbiu de su 5 de su mes''e fiàrgiu cun d'una soluzioni chi donit garanzias a s'importanti produzioni de allumíniu, chi siat cun s'Alcoa o cun calinc'ateru sugetu".