Tuvixeddu: Sdr, "Telecom fait dinai criendi damnu a is alogateris de 10 domus"

(IlMinuto) - Casteddu, 18 de su mes''e gennargiu - "Sa Telecom, si puru ddoi siat stetia una primu sentenzia sfavorevoli (...), est tentendi de pigai possessu de un'area de Tuvixeddu aundi, in via Bainsizza, ddoi funt duus edificius cun dexi appartamentus occupaus de is ex dipendentis de s'"Azienda Telefoni di Stato", chi de prus de trint'annus pagant s'affittu cun regularidadi e immoi ant arriciu s'isfrattu. Ita si cuat a palas de sa voluntadi de sa sociedadi telefonica?" Ddu dimandant is alogateris de is appartamentus chi ant consultau s'Associazione Socialismo Diritti Riforme, chi tenit comenti presidenti s'ex consillera regionali socialista Maria Grazia Caligaris. "Est una situazioni - narat Caligaris - chi parrit un'ispropositu, poita is alogateris de is domus, de prus de quindix'annus si funt ammustaus disponibilis a comporai is appartamentus. In su trastempus sa Telecom insistit po oteniri is appartamentus liberus, offerendi puru unu compromissu a is interessaus po evitai s'appellu (prossima udienzia su 12 de su mes''e fiàrgiu) a sa sentenzia de su Tribunali de su 12 de su mes''e paschixèdda, chi dd'at bia perdiri".