Tràvigu mercis: Caligaris (Sdr), "Acabbaidda cun is comunicaus Fs, sa Figari-Civitavecchia est firma de mesis"

(IlMinuto) – Casteddu, 14 de su mes''e gennargiu - "Est inútili chi is Ferruvias de su Stadu circhint cun comunicaus abblandantis de negai sa realidadi e de donai is responsabbilidadis a is traballantis in lota po sa difesa de su post''e traballu. Su tràvigu mercis de sa linea Figari- Civitavecchia est stetiu firmau de mesis". Ddu narat Maria Grazia Caligaris, presidenti de s'associazioni "Socialismo Diritti Riforme", po arrespondiri a una nota fatta conosciri de su gruppu Fs. "Est nezzessariu sempiri de prus - sighit sa Caligaris - unu "supplemento di indagine" de sa magistradura casteddaia po istabbiliri sa beridadi e is eventualis responsabbilidadis de su bloccu. Est puru nezzessaria unu forti arbítriu de sa Regioni po garantiri s'atividadi no scéti de sa Keller ma puru cussa de su Gruppu "Equipolymers". Tra is impignus pedius de s'imprendidori Paolo Clivati po Otzàna ddoi est cussu de fai torrai a biviri sa linea Figari-Civitavecchia". "No podit essi ignorau su fattu ca de prus de un'annu - concluit s'esponenti socialista - nesciunu carrigu mercis arribbat in s'Isola o benit spediu in sa Penisola cun carrus ferruviarius (...). Ateru ca continuidadi territoriali po is mercis".