Traballus po sa "Buddi Buddi": assessori provinziali Serra, "Eurocostruzioni no at rispettau su cuntratu"

(IlMinuto) - Casteddu, 5 de su mes''e gennargiu - "Eurocostruzioni no at fattu cussu chi depiat fai e no at fattu nudda de cantu previdiu de su cuntratu". Ddu narat cun d'una nota stampa s'assessori provinziali de sa "Viabilità", Giovanni Serra, chi annunziat s'interrumpimentu de su cuntratu cun s'azienda chi at bintu s'appaltu po is traballus de sa "Buddi Buddi", s'istrada chi de Tàtari portat a facc''e mari. S'esponenti de sa Giunta ispetat cun fiducia chi "siat su Tribunali a dezzìdiri po s'iscontroriu tra nosu e s'Eurocostruzioni". Perou fait torrai a coa is acusas fattas de s'impresa a sa cali de su 2007 esti stetiu donau in gestioni su cantieri in s'istrada chi portat a facc''e mari. Sa sensazioni chi si tenit est ca su essi stetius fasius finzas a immoi possat essi cunfundiu cun d'un'ammissioni de culpa. "Si eus fattu totus is passus  possíbbilis po evitai s'interrumpimentu de su cuntratu no est poita s'intendeus in culpa - narat Serra - bolliaus scéti evitai de sperdiziai ateru tempus e dinai pubblicu". "De parti nostra - finit - ddu est scéti una beridadi: Eurocostruzioni no at fattu is traballus".