Su "Comitadu pro sa limba sarda" arregordat su biellesu Tavo Burat, primu direttori de "Su popolu sardu"

(IlMinuto) – Casteddu, 13 de su mes''e gennargiu - Su "Comitadu pro sa limba sarda" arregordat Gustavo Buratti, Tavo Burat, protagonista de sa vida culturali de Biella mortu pagu tempus fait e "amigu de sa Sardigna e de su sadru". "Burat - si podit liggiri in d'una nota fatta connòsciri de su Comitadu - in su 1973 iat acetau de essi su direttori de su giornali 'Su populu sardu', su primu in língua sadra". Burat furiat, de su 1964, segretariu po s'Italia de s'Associazioni internazionali po sa difesa de sa língua e de is culturas minoritarias. "Oi totu parrit fàcili poita - spiegat su Comitadu - si funt fattas medas cunchistas po sa língua sadra e medas cosas parrint scontadas, tocat perou a s'arregordai comenti fessat incolliosu e puru perigulosu nai ca su sadru est una língua, una língua negada de su colonialismu italianu e de medas politicus e intelletualis sadrus".