Seui alluit Is Fogoronis: ballus, giogus e faa cun lardu e patatas ingiru a is fogus in is bixinaus

(IlMinuto) – Casteddu, 15 de su mes''e gennargiu - S'at a torrai a ripiti puru in su 2010 su ritu seuesu de Is Fogoronis. Un'apuntamentu chi de annu in annu atirat s'atenzioni de is turistas, sempiri prus numerosus. In sa diri de su 16 de su mes''e gennargiu ant essi allutus in dognia cuarteri is fogus dedicaus a Sant'Antoni, Santu Sebrastianu e a Sant'Efisi. Sa tradizioni religiosa - cristiana, ma cun oríginis paganas - s'at a afiancai a momentus de sozialidadi importantis po sa comunidadi de Seui, comenti su ballu sadru e Sa matta de su cuguzzulloni, giogu tradizionali. A ingiriu a is fogoronis, is abbitantis de dognia bixinau ant a preparai e ant a oferriri a sa genti is pitànzias de sa tradizioni, comenti su buddiu de faa, patatas e lardu e is castàngias arrustu.