Sanidadi: su sindigu de Atzàra isfidat s'assessori Liori, "Dinai liau senz''e cuscénzia, a is pranus 'ad personam' de chini est diversamenti abili"

(IlMinuto) – Casteddu, 8 de su mes''e gennargiu - "Su dinai liau a is pranus 'ad personam' de chini est diversamenti abili ddu est e colpit chini ndi sufrit, is familias e is traballantis chi faint parti de is progetus". Est cantu dinunziat su sindigu de Atzàra, Alessandro Corona, replichendi a cantu afirmau de pagu tempus de s'assessori regionali de sa "Sanità"  Antonello Liori. "S'assessori - spiegat Corona - spoddicat nùmerus e datus statisticus ma no afrontat cun claresa sa chistioni de su dinai liau a is pranus 'ad personam' (...)- Deu no apu mai declarau ca calincunu iat essi abarrau a foras de s'assistu - precisat su primu cittadinu de Atzàra - apu scéti nau a is cittadinus de castiai sa delíbbera (ndr: la 55/33 de su 16 de su mes''e paschixèdda 2009) po cumprèndiri ca po dognia pranu ad personam ddoi at essi una sottrazioni de 1000 eurus".
Fattu dinunziau prus de una borta puru de su consilleri regionali Marco Espa. "Cali assistu - narat Corona - s'at a podi garantiri a un'anzianu chi teniat unu pranu de 1.500 eurus si, cun su dinai liau de sa regioni, at a pigai 500 eurus? Su dinai liau ddoi est e sa decisioni at a colpiri senz''e cuscénzia totus is pranus 'ad personam' e particolarmenti s'at a  liai s'assistu mínguu a calincuna categoría de utentis (...)". "Est casi cinc'annus - precisat su sindigu - chi fadeus amministrazioni e custa est sa primu borta chi si berificant chistionis aici grais po s'assistu sozìali. Iant a essi nezzessarius 130 millionis de eurus, sa Regioni nd'at previdiu 77, si custu no est dinai liau calincunu si depit spiegai ita esti".