Sadrus in is lager de is SS: Mursia pubblicat s'importantiti istudiu de Aldo Borghesi de s'Issra

(IlMinuto) – Casteddu, 26 de su mes''e gennargiu - "Sardi nella deportazione": est custu su títulu de su liburu de Aldo Borghesi chi s'agatat in su segundu volumu de "Il libro dei deportati", sa pubblicazioni de sa Mursia chi fait unu bilànciu precisu de sa deportazioni de s'Italia in is lager nazistas. "Po sa primu borta - si podit liggiri in d'una nota fatta conosciri de s''Istituto Sardo per la Storia dell'Autonomia e della Resistenza' - s'interessamentu de sa Sardigna in sa deportazioni est ogetu de unu contributu precisu pubblicau in d'un'importanti istudiu nazionali". S'istudiu de Borghesi, maistu e istudiosu de s'Issra, at avreguau sa presénzia de prus de 200 personas nascias in Sardigna in is  KZ, is campus gestius de is SS. "Si chistionat - afirmat su comunicau de s'Issra - scéti de una parti de is sadrus chi funt finius in Germania, tra custus est importanti cunsiderai 12milla Imi, is sordaus chi iant arrefudau de essi arrolaus in is Rsi a pustis de s'otu de su mes''e cabudanni". Tra is deportaus sadrus ddoi furiant unus cantus féminas ebreas comenti Zaira Coen Righi, maista de su Liceu Azuni de Tàtari chi furiat stetia bogada de su mestieri po mori de is leis razzialis e morta a Auschwitz in su 1944. Su liburu at essi presentau su 28 e su 29 de su mes''e gennargiu a Torinu, in d'unu cunvegnu aprontau de su Consillu regionali de su Piemonti.