Sa Sardigna s'accostat a s'isciòperu generali. Costa (Cgil): "Parteus un'atera borta de is mobilitazionis popolaris"

(IlMinuto) - Casteddu, 4 de su mes''e gennargiu - Iscioperu generali. Intru sa fin''e de su mes''e gennargiu sa Sardigna at a cabai in prazza po nai no a sa crisi chi est sciusciendi una parti meda manna de s'industria e de is postus de traballu in s'Isola. Dd'ant istabiliu Cgil, Cisl e Uil, chi ant a annunziai sa data scéti in is diris chi benint e a pustis, su 7 de su mes''e gennargiu, in su cursu de s'atóbiu a su Ministeru de su "Sviluppo economico", aundi s'at a chistionai de s'Alcoa de Portovesmi. "Sigu a preferiri sa rua de su diàlogu - at nau in is diris passadas su segretariu generali de sa Cgil Enzo Costa - perou chi si negant custa podeus scéti oberriri sa rua de s'ispinta (no bollu usai su fueddu lota). Custu bollit nai ca nosu eus a pigai un'atera borta sa rua de sa mobilitazioni popolari, dd'eus a oberriri cun un'isciòperu mannu, generali e regionali chi at a sighiri finzas a ottèniri una proposta de isviluppu futuru de sa Sardigna".