Pd: su candidau a sa segreteria de Casteddu Tagliareni ammarranat a sa "Casta"

(IlMinuto) – Casteddu, 14 de su me''e gennargiu - "A is elezionis amministrativas de s'annu chi benit bolleus ammarranai a is meris mannus chi de tropu tempus guvernant sa prus importanti cittadi sadra e de ingunis bolleus torrai a cumenzai po torrai a donai a sa Sardigna una prospettiva de melloramentu collettivu". Est cantu narat su programma elettorali de su giòvanu candidau a sa segreteria de Casteddu de su "Partito Democratico" Egildo Tagliareni. 27 annus, istudianti de su cursu de "Ingegneria-Architettura" e giai tifosu de sa mozioni Barracciu-Franceschini, Tagliareni ammarranat a su cumpangiu de partidu Yuri Marcialis, de s'area Bersani-Lai. Tagliareni proponit de "Liberai Casteddu", de trasformai sa cittadi de is "acozus" in cittadi de sa cultura. "Eus promòviu in modu cuncretu - spiegat s'esponenti de su Pd - cun su centrusinistra in su Guvernu de sa Regioni s'idea de ponni a su centru de is nostras politicas de isvilupu cussa chi si zerriat 'economia della conoscenza'. Bolleus fait cunfrontai Casteddu cun custa genia de cumpetizionis (...). Calincunu progetu de interessu mannu esti stetiu presentau de sa Giunta Soru, progetus impidius de sa Giunta Floris, scéti po mori de is interessus elettoralis e de sa lota amiga de su dinai chi ddoi est ingiru a is afaris edilizius".