Pauli: su 23 e su 24 de su mes''e gennargiu "Su Fogadoni de Santu Sebastianu"

(IlMinuto) – Casteddu, 20 de su mes''e gennargiu - Pauli annoat su propriu apuntamentu cun su "Su Fogadoni de Santu Sebastianu". Comenti dognia annu - su 23 e su 24 de su mes''e gennargiu - in sa prazz''e Crèsia de via Zuddas at essi allutu unu Fogadoni beneditu dedicau a Santu Srebastianu. Su merì de su 23 de su mes''e gennargiu is paulesus ataccaus a sa tradizioni de su Fogadoni s'ant a agatai a ingiru a su fogu po ascurtai is contus de is anzianus, in cumpangia  puru de una tassa de binu e de is drucis sadrus. Su mangianu infatu, comenti est sempriri stetiu, is partecipantis ant a arregolli unu pagu de bràscia benedita po si dda portai a domu. Sa tradizioni - "morta" po meda tempus - esti stetia torrada a fai bivi in su 1997 po mori de s'impignu de su "Gruppo di cultura popolare" de Pauli, chi at boffiu torrai a donai vida a s'apuntamentu arregordau cun spéddiu de is jàjus.