"Lettera da Gaza": in su Manàmanà apuntamentu cun su contu de dinúnzia de Kanafani

(IlMinuto) – Casteddu, 27 de su mes''e gennargiu - S'"Associazione Sardegna Palestina" sighit a fai connosci is òperas de Ghassan Kanafani. Custu merì in Casteddu (circulu de is ligidoris Manàmanà a is 19.00) Giuseppe Pusceddu at a presentai su contu "Lettera da Gaza". "Partendi de sa chistioni de s'emigrazioni de is rifugiaus palestinesus, genti chi s'est fuida in aterus logus prus arricus po circai traballu a pustis de sa stresiada de sa Palestina in su 1948 - si podit liggiri in d'una nota - Kanafani afrontat sa chistioni de su cumprendóniu e de sa circa de s'identidadi de su propriu populu". Su contu de su scrittori palestinesu, bociu in su 1972 de is serbízius segretus israelianus, pigat forsis nàscida de cussu chi est suzediu in s'atóngiu de su 1956, candu is militaris iant ocupau sa striscia de Gaza e sa penísula de su Sinai.