Legambiente: sa chistioni de chini no tenit nudda no finit cun d'una lottizzazioni de lussu

(IlMinuto) – Casteddu, 27 de su mes''e gennargiu - "Sa soluzioni a sa chistioni de chini no tenit nudda e po custu est costrintu a agatai riparu in is zonas archeológicas de Tuvixeddu no podit arribbai de una lottizzazioni de lussu". Est cantu afirmat cun d'una nota stampa Legambiente Sardigna commentendi s'artículu "Tuvixeddu, totu comenti primu. Ddoi est chini bivit ancora in sa gruta" pubblicau de "L'Unione Sarda". "Custa cundizioni - scririt s'associazioni ambientalista - est una chistioni soziali chi torrat sempiri e chi depit finiri cun s'impignu de is istituzionis". "No eus a bolli - sighit sa nota - ca custa chistioni fessat usada po afortiai is traballus de lottizzazioni de is 'domus bellas', poita no est fatta po costruiri domus popolaris, custu si puru custa lotizzazioni apat tentu meda pubblicidadi in custu períodu". Legambiente pedit su bloccu de is traballus in Tuvixeddu e pedit ca s'area torrit "a sa propriu importànzia archeológicu-ambientali in su Mediterraneu".