Ex Magasinu aundi si custodiant is àrmas de Sa Madalèna: no s'at a rinnovai su cuntratu a 21 custodis. Zuncheddu: "Sa Giunta regionali fazzat calincuna cosa"

(IlMinuto) – Casteddu, 28 de su mes''e gennargiu - Ita bollit fai sa Giunta regionali po difèndiri su postu 'e traballu de is 21 custodis de s'Ex Magasinu aundi si custodiant is àrmas de Sa Madalèna? Est cantu pedit cun d'una interrogazioni a su presidenti de sa Regioni sa consillera regionali de is Rossomori, Claudia Zuncheddu, a pustis de su mancau rinnovu de su cuntratu - scadiu in is diris passadas - a is traballantis de sa vigilànzia. A pustis de sa serradura de s'Ex Magasinu (immoi diventau un'istruttura meda manna po turistas ) is 21 custodis furiant stetius pigaus de sa Nautilus po garantiri su serbiziu de vigilànzia de un'istruttura gestia de sa Mita Resort de sa presidenti de Confindustria Emma Marcegaglia. "No funt claras -precisat sa sardista de sinistra - is arraxonis chi funt a sa basi de custu sceberu de s'azienda "Porto Arsenale La Maddalena srl" de no rinnovai is cuntratus de is 21 custodis de sa Nautilus, a sa luxi de su fattu ca s'azienda 'e totu sighit a pigai genti po traballai e ca custa genti depit fai unu traballu uguali a cussu chi fadiant is taballantis chi funti stetius 'bogaus'". "Castiendi a is últimas cosas capitadas po su trasferimentu de su G8 - concluit s'esponenti de is Rossomori - custus lissenziamentus arriscant de essi un'afrontu beferi po totus is sadrus e po is istituzionis nostras de dognia órdini e gradu".