Cinema: casting po "Servo di Dio", su film chi at a chistionai de sa vida de Fra Nicola de Gesturi

(IlMinuto) - Casteddu, 20 de su mes''e gennargiu - "Servo di Dio": est custu su titulu de su film dedicau a Fra Nicola de Gesturi de su regista Tiziano Pillittu. S'importanti progettu de cinema in costumi - po su cali funt ancora attivus is traballus - andat de s'annu 1882 a su 1958. Domìnigu in Terràrba (9.30 - 13.00, 15.00 - 16.30) s'at a tenni su casting po scioberai is attoris a is calis s'ant a depi assignai is ruolus chi funt ancora iscobertus. "Totus is personas appassionadas de cinema, mannus e piticus, attoris de professioni o no - si podit liggiri in d'una nota - chi funt interessadas a participai a su film, funt imbidadas a si presentai in su Teatru Comunali de Terràrba, in sa prazza Libertà". Sa selezioni est aprontada de su "Circolo Culturale d'Arte Prometeo".