Carnovali de Otzàna: cuncursu nazionali po artistas e designer

(IlMinuto) – Casteddu, 28 de su mes''e gennargiu - "Un viaggio nel tempo del sogno": est custu su tema de su cuncursu nazionali po artistas e designer promòviu de s'amministrazioni comunali in ocasioni de su Carnovali de Otzàna, su prus antigu de sa Sardigna. "Is màscaras de Otzàna - si podit liggiri in d'una nota - funt fillas de una cultura antiga, su rítimu scandiu de is sonazzas est su própiu rítimu de su tempus chi passat, est su rítimu de is stagionis". Is interessaus a participai a s'iniziativa ant a depi fai "òperas artisticas e de design" cun s'obbietivu de "comunicai su territoriu e sa cultura de cussu 'e totu a chini est furesteri". Totus is òperas chi ant a participai a su cuncursu ant essi ammostadas in sa mostra chi s'at a tenni a Otzàna po is tres diris de su Carnovali. A is bincidoris - chi ant a benni annunziaus su 16 de su mes''e fiàrgiu - ant a andai is prémius in dinai de 1.500, 1.000 e 700 eurus. Is dimandas de participazioni ant a depi arribbai a s'Ufíciu protocollo de su Comunu intru su 10 de su mes''e fiàrgiu.

Po pediri informazionis: info@comune.ottana.nu.it