"Cambiamo Arbus": de s'Irs a su Pd impari po rinnovai sa vida de sa bidda

(IlMinuto) - Casteddu, 11 de su mes''e gennargiu - Rinnovai sa bidda cun "s'isviluppu de s'economia 'sostenibile', de su capitali sociali, de s'identidadi locali, de s'istoria nazionali sadra". Est custu s'iscopu de s'associazioni politica "Cambiamo Arbus": un'esperienzia in calincunu modu ùnica e nascia de s'entusiasmu de personas chi benint de diversus gruppus politicus (Partito Democratico, Rifondazione Comunista, Centro, Irs) chi "ant decidiu - si podit liggiri in su situ de s'associazioni - de si sboddiai de is logicas de is segreterias localis po proponiri unu modellu de isviluppu economicu e soziali allineau cun cussu de is prus importantis protagonistas de sa politica internazionali". Tra is ateras cosas, in programma ddoi est s'atóbiu de custumerì cun sa scrittrici Michela Murgia (17,30, Montegranatico) po sa presentazioni de s'ùltimu liburu "Accabbadora" e s'arribbu in sa cascìtta de is litteras de is cittadinus de Àrbus de una cartolina contra a su nucleari (de mandai a su presidenti de sa Regioni Ugo Cappellacci).

Po ndi sciri de prus: www.cambiamoarbus.it