Atzàra promovit su "Mandrolisai", premiu de poesia in sadru dedicau a s'amori

(IlMinuto) – Casteddu, 12 de su mes''e gennargiu - "Est unu cuncursu in limba sadra, et unu cuncursu de poesia chi bollit ponni s'atenzioni a totus is formas de s'amori: sa solidariedadi, sa paxi, s'arrispetu, s'afradiamentu, s'amori po sa natura e sa durciura de s'ànimu umanu". Cun custus fueddus su sindigu de Atzàra, Alessandro Corona, descririt su cuncursu de poesia "Mandrolisai", boffiu de s'amministrazioni de su comunu in provìnzia de Nùgoro. Podint partecipai a sa primu edizioni de su premiu - chi tenit unu scantu sezionis: "poesia d'amore", "ragazzi", "tema libero" - totus is puetas sadrus. Ant a fai parti de sa giuria, tra is aterus, su maistu Antonio Corriga, presidenti onorariu, su giornalista Paolo Pillonca e su cantautori Piero Marras. Is òperas ant a depi essi mandadas a su comunu de Atzàra intru su 26 de su mes''e fiàrgiu. Is bincidoris ant essi proclamaus in su mes''e maju po sa sagra de su binu de su 2010.