Abbias de sa provìnzia cun "amiantu zeru": in su Surcis Igresienti funti stetias sfasciadas 679 tonelladas de eternit cun su bandu 2008

(IlMinuto) – Casteddu, 29 de su mes''e gennargiu - Surcis Igresienti a amiantu zeru: est custu s'obbiettivu de s'amministrazioni provinziali de Crabònia Igrèsias a pustis de is ótimus risurtaus de su bandu de su 2008. Sa provìnzia at difatis cumprovau ótimas abbilesas de ispesa documentadas in su Report chi si podit consultai in su situ de s'amministrazioni a s'indirizzu www.provincia.carboniaiglesias.it. Cun 353.064 eurus funti stetias finanziadas 300 dimandas e funti stetius bonificaus 49.940 metrus cuadrus de eternit: s'ammesturu de ciumentu e aminatu chi fait benni su cancru e chi est responsàbbili de milli e prus de milli mortis. Grazias a su dinai donau cun su bandu 2008 funti stetius sfasciaus 70 serbatoius e 679 tonelladas de amiantu.