Abbanoa: in Cuartu Sant'Alèni calencunu mesi in prus po pagai is bullettas

(IlMinuto) – Casteddu, 4 de su mes''e gennargiu - Unu pagu de respiru po is cuartesus chi depint pagai is bullettas de Abbanoa. Is cittadinus, chi in is últimas diris de s'annu iant arriciu is bullettas de pagai intru su mes''e gennargiu, bullettas chi no furiant stetias mandadas de 27 mesis e chi si depiant pagai totu in d'una borta, ant a tenni calencunu mesi in prus po su pagamentu. Est cantu est risurtau in is diris passadas a pustis de s'atóbiu tra su sindigu de Cuartu Sant'Alèni, Gigi Ruggeri, e su direttori generali de Abbanoa Sandro Murtas. "Is bullettas de 200 a 350 eurus - si podit liggiri in d'una nota de su Comunu - ant a podi essi pagadas intru su mes''e làmpadas cun d'una cadénzia chi Abbanoa at a comunicai cun precisioni intru pagu tempus. Su comunicau ufiziali at essi su propriu puru po is bullettas prus bàscias de 200 eurus: puru in custu casu at essi previdia una forma de pagamentu prus lebia". Po is bullettas chi funt prus artas de 350 eurus ant'essi fattus aterus ligimentus de is contadoris.