Vynils: 50 operàjus firmant su depósitu Agip de Pòrtu Turre. Scaroni (Eni), "Sa chímica de su croro est finia"

(IlMinuto) – Casteddu, 15 de su mes''e paschixèdda - No mollant is traballantis de sa Vynils de Pòrtu Turre. Custu mangianu a is 5.30 50 operàjus de s'istabilimentu chi fait Pvc ant firmau is intradas de su depósitu Agip de Pòrtu Turre. 25 de custus si funt incadenaus a is arrastellus. Cun s'azioni de protesta is traballantis dinunziant su fattu de no podi torrai a pigai sa produzioni - previdia po oi - e dinunziant puru s'arriscu mannu de serrai po sempiri s'istabilimentu, cunfírmau de is declarazionis fattas pagu tempus fait de s'amministratori delegau de s'Eni, Paolo Scaroni, a sa Nuova Venezia. "Sa chímica de su croro est finia - at nau Scaroni - e no est culpa nostra si sa vizenda de sa Vinyls est andada diaici". Sa Vynils no iat arrennesci a otèniri is fiànzias bacarias boffias de s'Eni po is materias primas nezzessarias a fai su pvc.