Usala: "No seus acuntentai de promissas fàzilis". 50 maladius de sla funt prontus a torrai a fai s'isciòpiru de su fàmini

(IlMinuto) – Casteddu, 9 de su mes''e paschixèdda - "Nos no teneus timória, nudda si fait prus a timiri, ancora prus pagu si fait ispramai sa morti. Serbint arrespustas apretosas, podit puru essi ca eus a passai una Paschixedda meda mala, ma unu guvernu dignu de custu nomini depit ascurtai is bisóngius de is maladius, no podit no fai nudda. Cun custus fueddus Salvatore Usala, 56 annus de Pauli, maladiu de cinc'annus de sla, annunziat sa dezisioni de torrai a cumenzai s'isciòpiru de su fàmini po otèniri "un'assistimentu domiziliari comenti si depit". A s'impignu de su viceministru Ferruccio Fazio, in sa consulta po is maladìas "neuromuscolari" (12 de su mes''e totussantus), de ratificai is pianus essenzialis de assistimentu "intru cincu diris" - promissa chi iat portau is maladius a firmai s'isciòpiru de su fàmini - no funt sighius is fattus. "A sa protesta - spiegat Usala - ant addiriu prus de 200 personas de totu s'Italia, tra custus 50 maladius de sla, e custa genti est pronta a m'agiudai chi no ddoi ant essi arrespustas sérias: no seus acuntentai de promissas fazilis".
 

Po ndi sciri de prus:

http://www.ilminuto.info/ricerca.php?ricerca=amiotrofica

Ligi sa lítera de Salvatore Usala:

http://www.ilminuto.info/notizia.php?id_notizia=1319