Urban Down Hill: martis in Casteddu sa primu gara-ispettaculu

(IlMinuto) - Casteddu, 2 de su mes''e paschixèdda - Una calada in mountain bike, de prazza Palazzo a prazza Yenne, passendi po is iscalittas e is vias de Castello. No est su disignu de unu film de azioni ambientau in Casteddu: est su percursu de sa manifestazioni de Urban Down Hill, gara in cittadi de mountain bike in calada, chi s'ottu de su mes''e paschixèdda s'at a tenni po sa primu borta in Casteddu. De calincunu annu sa specialidadi est diventada un'atraimentu sportivu e turisticu meda importanti de cittadis comenti Lisbona, Rio De Janeiro e Bergamu. Su percursu casteddaiu, longu 660 metrus, at a fai ispettaculu in sa parti finali de is Iscalittas de Santa Chiara. Su bincidori de is tres manche in programma (10.30, 12.30, 15.00) at essi incoronau "Re di Castello".