"Uranio impoverito": proposta de lei radicali a sa Camera po instituiri un'atera Commissioni de inchiesta

(IlMinuto) - Casteddu, 22 de su mes''e paschixèdda - Sa chistioni de s'"uranio impoverito" torrat in Parlamentu. In is cidas passadas su gruppu de is parlamentaris radicalis elìgius a sa Camera at presentau una proposta de lei po instituiri una Commisioni de inchiesta chi tenit custu comenti argumentu. "Una commissioni parlamentari de inchiesta - si podit liggiri in su documentu presentau - chi tenit comenti argumentu is mortis e is maladias chi ant colpiu sa genti chi traballat po is ministerus de sa "Difesa" e de s'"Interno" (...) particolarmenti is efetus causaus de s'usu de is cartatúcias cun "uranio impoverito" e de sa spaniadura in s'ambienti de "nanoparticelle di minerali pesanti" produsias de s'iscòppiu de materialis de gherra". In Sardigna, in sa regioni de Quirra, funti stetias 70 is vittimas militaris e civilis de s'"uranio impoverito" (fonti: Comitato Gettiamo le basi).

Liggi sa proposta de lei:
www.camera.it/_dati/leg16/lavori/stampati/pdf/16PDL0031520.pdf

Liggi is ateras notizias:
www.ilminuto.info/ricerca.php?ricerca=quirra