Is traballantis de sa Keller funt a facc''e su Consillu, "No a sa suppressioni de su tretu Civitavecchia-Figari"

(IlMinuto) – Casteddu, 9 de su mes''e paschixèdda - Sighit sa lota de is traballantis de sa Keller de Biddexidru. Custu mangianu is operàjus de s'azienda chi produsit carrozas de trenus ant manifestau a facc''e su Consillu regionali po protestai contra a sa dezisioni de Trenitalia de cracai po sempiri su tretu Civitavecchia-Figari a partiri de primu de su mes''e paschixèdda: tretu chi finzas a immoi iat garantiu su trasportu de carrozzas fattas in sa fràbbica de su Campidanu de Mesu. "Sa Cisl - at nau su sindacalista Giovanni Matta - no podit azzettai cust'ateru colpu donau a s'industria nostra, unu colpu chi fait morri un'ateru bículu de sa débbili industria sadra".