Su pecorinu reduit su colesterolu in su sanguini: is risultaus de ses annus de istudius

(IlMinuto) - Casteddu, 3 de su mes''e paschixèdda - Su casu pecorinu podit contribuiri a reduiri su colesterolu in su sanguni e po finzas a abbasciai s'arriscu de tumoris, màssimu cussus a is titas e a su colon. Est cantu ant nau ariseru in New York - po su Convegnu "Consumption and health benefits of Pecorino Cheese" is professoris Anna Nudda, de s'Universidadi de Tàtari e Mark McGuire, University of Idaho. Is duus spertus ant presentau is risultaus de ses annus longus de istudius dedicaus a is effettus de su casu de brebei po sa saludi: sa propriedadi de su pecorinu est donada - segundu is spertus - de sa concentrazioni de cussus chi si lamant "grassus bellus", s'"acido linoleico coniugato (Cla)" e s'omega 3.