Silgo: apuntamentu in su Meilogu cun sa XXX "Sagra della Salsiccia e del Vino". Pezz''e procus chi pascint arestis

(IlMinuto) – Casteddu, 3 de su mes''e paschixèdda - Fait 30 annus sa "Sagra della Salsiccia e del Vino" de Siligo. Puru in su 2009, po su 5 e 6 de su mes''e paschixèdda, in sa biddixedda de su Meilogu - in provìnzia de Tàtari - si donat apuntamentu a is liconeris cun "sa sartizza silighesa", conoscia in totu sa Sardigna po sa calidadi de sa pezza chi benit usada po dda fai. "Cussu chi dda fait meda bella - si podit liggi in d'una nota scritta de is organizzadoris - est sa rezzetta antiga, tramandada de generazioni in generazioni, su scioberu de sa pezza, chi benit de bestias allevadas arestis, e su traballu meda finigosu, fattu de medas attenzionis chi dda faint ispeciali". Su programma de sa sagra previdit - acànta a is stand  e a is pichetadas - sa presentazioni de sa rivista de Siligo "Biddanoa", is concertus de is Magma, de is Glee's e de is Mezzorigo e s'animazioni de is artistas de s'associazioni "Fogli volanti".

Po ndi sciri de prus: www.myspace.com/svf2008