Sighit sa lota contra a su nucleari: martis in prazza su "Comitato Sardo"

(IlMinuto) – Casteddu, 3 de su mes''e paschixèdda - "No eus a permitti de ammarigosài sa terra de is nostrus fillus e de cussus chi depint ancora nascit!". Cun custus fueddus cu "Comitato Sardo Antinucleare" narat a totus de andai a manifestai ancora una borta contra a sa costruzioni de centralis atómicas e de depósitus de ferrinas radioattivas in s'Isola. S'apuntamentu est po s'otu de su mes''e paschixèdda in Casteddu, in prazza de su "Carmine" a is 17.00. Tra is momentus de interessu prus mannu dd'at essi sa relazioni de Luciano Burderi, maistu de "Astrofisica" e de "Astronomia" in s'Universidadi de Casteddu e promotori de su mudamentu de su nucleari in s'Isola. At a sighiri su dibbàtidu tra cussus chi is promotoris definint "amigus de una realidadi de produzioni energetica chi no arruinat s'ambienti, ma chi ddu rispetat". Sa diri de protesta e de proposta s'at a serrai cun d'una cena a basi de pitànzias sadras e cun d'unu concertu de gruppus rock chi benint de sa Sardigna e de su Senegal.