Sanidadi in is presonis: Caligaris (Sdr), "Finalmenti esti stetiu avviau su trasferimentu a sa Regioni"

(IlMinuto) – Casteddu, 4 de su mes''e paschixèdda - "Su passaggiu de sa sanidadi de is presonis a su sistema sanitariu regionali est finalmenti in sa fasi finali. Sa nomina de is rappresentantis de su Guvernu in sa Commissioni paritetica Stadu-Regioni po sa definizioni de is normas de attuazioni de su Statutu Ispeciali de autonomia at a permitti de definiri in su dettàgliu is modalidadis po garantiri a is cittadinus privaus de sa libertadi su dirittu a sa saludi, boffiu de sa Costituzioni e de s'ordinamentu de is presonis". Ddu narat sa presidenti de s'associazioni "Socialismo Diritti Riforme", Maria Grazia Caligaris, chi iat lamentau su ritardu meda pesanti in s'attuazioni de una lei de su Stadu. Ritardu chi - narat Caligaris - "arriscat de cumpromítiri su normali funzionamentu de su sistema cumplessu  de sa sanidadi in is presonis".