Presonis: mèrcuris in Casteddu atuamentu po agiudai is presoneris prus pòberus

(IlMinuto) – Casteddu, 21 de su mes''e paschixèdda - Permítiri a 150 feminas e óminis pòberus chi s'agatant in su presoni de Buoncammino de arriciri sabonetas e ateras cosas po si podi sciacuai: est custu s'obbiettivu de su progettu "Un pensiero per il tuo Natale" de s'"Associazione Socialismo Diritti Riforme". "Unu donu - ispiegant is organizzadoris - po chini at a passai sa Paschixedda in presoni, senz'' e possibbilidadis economicas e atesu de is proprius familiaris". Is pachitus ant a benni donaus mèrcuris 23 de su mes''e paschixèdda, a is 10.00, in sa Direzioni de su Presoni, chi ddu s'at a donai a is presoneris. Is volonteris nostrus - ispiegat sa presidenti de s'associazioni Maria Grazia Caligaris – in sa chistionada cun is presoneris ant berificau ca medas de custas personas, prus a totu is extracomunitarius senz''e nudda e atesu de sa familia insoru, no tenint su nezessariu po curai cun dignidadi sa propriu igiene personali. Su 'librettu' insoru est sempiri sbuidu, custu no ddi si permítit de si comporai, in su spacciu, cosas chi po cussus funt benis de lussu".