Presonis: Caligaris (Sdr), su sindigu Floris frimit is trasferimentus in Buoncammino. "Condizionis de vida insupportabilis"

(IlMinuto) - Casteddu, 14 de su mes''e paschixèdda - "S'aumentu meda mannu de is presoneris in su presoni de Buoncammino a pustis de is trasferimentus continuus de aterus presonis fait diventai vana calisiat possibbilidadi de educazioni noa de is presoneris e fai arriscai sa saludi de cussus 'e totu e de totus is operadoris, donendi vida a situazionis de perigulu. Est duncas nezzessariu ca su Sindigu de Casteddu fazzat calincuna cosa po firmai custus arribbus de su Continenti". Est cantu pedit cun d'una littera inviada a su primu cittadinu Emilio Floris sa presidenti de s'associazioni "Socialismo Diritto Riforme" Maria Grazia Caligaris. "Su presoni de viale Buoncammino - narat sa Caligaris - esti stetiu progettau in s'Ottucentus po podi aghilliri 180 presoneris circa. Immoi nd'aghillit prus de 500, in cundizionis de vida diaderus insupportabilis po is presoneris, chi funt costringius a biviri in cellas istrintas, e insupportabilis puru po is guardias de sa Pulizia Penitenziaria chi, a su contrariu de is presoneris, funt sempiri de mancu".