Pòrtu Turre: ispettaculu de danza po Emergency

(IlMinuto) - Casteddu, 11 de mes''e paschixèdda - Arregòlliri dinai po Emergency, s'associazioni umanitaria chi de su 1994 portat agiudu e curas a is personas chi funt corpias de sa guerra e de sa poberesa. Est custu s'iscopu de su show chi s'at a tenni domìnigu in Pòrtu Turre (19.30, Teatru comunali Andrea Parodi). Is allievas de sa maista Adriana Donzelli, impari a s'associazioni culturali "Dietro le quinte", ant a presentai un'ispettaculu de danza classica, moderna e hip hop. Su preziu de su billettu po intrai a biri s'ispettaculu est de ses eurus: s'incassu intreu at essi donau a s'associazioni de Gino Strada.