Pani: cras in Samugheu, s'XI Sagra cun su tzichi e is ateras ispecialidadis

(IlMinuto) – Casteddu, 7 de su mes''e paschixèdda - Unu camminu po is domus antigas, is prazzas e is cortilis in circa de sa tradizioni: est cantu oferrit s'undixèsima Sagra de su pani de Samugheu, in programma cras in sa bidda de sa provìnzia de Aristanis. Coru de sa manifestazioni, aprontada de sa pro-loco, at essi "casa Serra", in su centru storicu 'e sa bidda. "Casa Serra" at a aghilliri una mostra de su pani, de totu su pani de sa Sardigna e de su mundu. Sa genti at a podi biri is diversus momentus de su traballu de su pani de Samugheu, su tzichi, e de medas ateras ispecialidadis e at a podi tastai sa cos''e papai impari a su tastu de binus bellus, de casu e de sartizzu e cosas de aicci, totus de su logu. De pani s'at a chistionai puru in su cunvegnu organizzau po s'ocasioni in su Museu unicu regionali.