NoBDay: puru Casteddu at nau no a Berlusconi. Presìdiu de su Prc in Cuartu

(IlMinuto) – Casteddu, 7 de su mes''e paschixèdda - Bonu suzzessu puru in Casteddu po su NoBDay. sabudu a merì centinas e centinas de personas ant manifestau po is vias de sa cittadi pedendi is dimissionis de su presidenti de su Consillu: sa manifestazioni s'est serrada in prazza de su "Carmine" cun is interventus de is manifestantis, tra custus ddoi est stetiu cussu de su maistu de s'Universidadi Gianni Loy. Puru Cuartu Sant'Alèni at biviu su propriu NoBDay: su mangianu de su 5 de su mes''e paschixèdda una bintina de militantis de su Prc de su Circulu Sarritzu ant fattu unu presidiu a facc''e sa prazza de su Comunu contra a su Guvernu e in difesa de su traballu e de is benis pubblicus.