Inpredil: is parlamentaris sadrus de su Pd in difesa de sa fràbbica de matonis

(IlMinuto) – Casteddu, 16 de su mes''e paschixèdda - "Un'impresa importanti po s'economia de s'Isola, prusatotu in d'unu momentu aundi is politicas nazionalis e regionalis orientant e bollint sustenni unu pianu istraordinàriu de ristrutturazioni e de ammodernamentu de is fàbbricas". Aici is parlamentaris sadrus de su "Partito Democratico" Amalia Schirru, Caterina Pes, Giulio Calvisi, Guido Melis, Siro Marrocu e Paolo Fadda definint s'Inprendil de Santu Sperau. Is esponentis de su Pd difendint sa "fràbbica modellu" chi fait matonis, e chi arriscat sa serradura po mori de unu dépidu chi tenit de is annus Setanta. "L'Inpredil - scrint is parlamentaris - furiat, finzas a calincuna cida fait, s'ùnica azienda de su territoriu chi no parriat colpia de sa crisi industriali chi si registrat in totu su territoriu regionali". "Aspettendi sa soluzioni de sustegnu pediu de su gruppu regionali de su Pd a su presidenti de sa Giunta regionali e a s'assessori de s'"Industria" - si podit liggiri in d'una nota - bolleus sperai ca si sigat a fai totu su possíbbili po salvai cust'impresa". In su fratèmpus sighit sa mobilitazioni de is 70 traballantis Inpredil, "chi - spiegant is parlamentaris - pedint sa furnidura de is forrus po manteniri in pei sa produzioni, e po manteniri puru is impignus cun is órdinis chi depint soddisfai".