Giunta regionali: su giornalista Sandro Angioni est s'assessori nou a s'"Industria"

(IlMinuto) – Casteddu, 1 de su mes''e paschixèdda - Sa novidadi furiat in giru de medas cidas ma de oi est uficiali. Sandro Angioni, giornalista, est s'assessori regionali nou a s'"Industria". Angioni pigat su postu de Andreina Farris, chi iat lassau s'incàrrigu a metadi de su mes''e totussantus. Custu est su cuartu càmbiu chi ddoi esti stetiu in sa Giunta Cappellacci a circa noi mesis de s'insediamentu e in d'una fasi aundi sa crisi de s'economia e in custu casu de s'industria sadra iat a bolli unu Guvernu regionali prus frimmu.