"Forme d'acqua", s'ispettaculu de su "Crogiuolo" in iscena in Sèneche

(IlMinuto) – Casteddu, 14 de su mes''e paschixèdda - Fai afetuai is mannus e is piciocus in méritu a su valori de s'àcua e a s'importànzia de sa gestioni giusta de is risorsas de cuss''e totu. Est custu s'obbiettivu de "Le forme d'acqua": s'ispettaculu de sa cumpangia su "Crogiuolo" in programma cras a merì in Sèneche po sa rassegna Global Futur. Protagonistas de sa rappresentazioni, curada de su regista Mario Faticoni, ant essi is atoris Raffaello Ugo e Rita Atzeri.