"Fondi per la non autosufficenza": Pd, mancant 24 millionis de eurus de sa Finanziaria e 9milla personas arriscant de abarrai senz''e assistu

(IlMinuto) – Casteddu, 21 de su mes''e paschixèdda - "Il Fondo regionale per la non autosufficienza" no est in gradu de afastiai sa dimanda e funt nezzessarius aterus 24 millionis de eurus in prus a cunfruntu de cussus previdius de sa Finanziaria". Est cantu dinunziant in d'una nota is consilleris regionalis de su Pd Mario Bruno, Marco Espa e Pier Luigi Caria. "S'emendamentu presentau in àula esti stetiu riassuntu - arregordat Espa - ma dd'eus a torrai a propòniri candu eus a chistionai de su 'collegato' a sa Finanziaria". "Is pranus personalizzaus po s'assistu de is cristianus chi tenint handicap grais - narat Bruno - furiant stetius unu de is pilotus de is azionis de sa mazorànzia passada. Oi no esti stetiu donau su dinai giustu po totus is bisóngius: arriscant de abarrai senz''e assistu 9milla personans chi ndi tenint bisóngiu, cun totus is cusseguénzias asuba de is familias e de is comunus chi arricint is finanziamentus".