Folc a su Dipartimentu de Stadu: nesciunu discréditu de su spagnolu in Catalogna

(IlMinuto) - Casteddu, 16 de su mes''e paschixèdda - Est partia de pagus minutus, a is 11 de custu mangianu, sa littera iscritta de su presidenti de sa Federazioni de is Organizzazionis po sa Lingua Catalana, Elisenda Romeu, e mandada a is imbasciadas de is Stadus Unius po protestai contra s'informazioni iscurretta diffundia de su Dipartimentu de Stadu Americanu in is documentus chi tenint po argumentu is dirittus umanus de is ùltimus annus, segundu is calis sa lingua spagnola in Catalogna iat essi in d'una situazioni de disvantaggiu e puru de discreditu. Sa littera de sa Folc - de sa cali fait parti s'Arxiu de Tradicions de l'Alguer - esti stetia spedia de su Rossiglioni, de is Isolas Balearis, de sa Valenzia, de sa Catalogna e de S'Alighera (de aundi esti stetia mandada sa copia po s'imbasciada Usa de Roma). "In sa relazioni de su 2008 - at iscrittu Romeu - parrit ca bosatrus arregolleis scéti is dinùnzias chi andant in d'una direzioni e, puru si chistionais de dirittus umanus, parrit ca is personas chi chistionant su catalanu no tenint su dirittu de ddu fai in sa terra insoru e nemancu in is ateras partis de su stadu spagnolu".