Flamenco: in Casteddu su talentu de Rafael Campallo

(IlMinuto) - Casteddu, 8 de su mes''e paschixèdda - Importanti manifestazioni de flamenco cenàbara in Casteddu: in su palcu de s'Auditorium de su Conservatoriu - a partiri de is 21.00 - ddoi at essi Rafael Campallo, unu de is prus importantantis talentus de sa generazioni noa chi s'at a ammostai baddendi su ballu de s'Andalusia. Leva 1974, in is iscenas de candu fiat picioccheddu, su ballarinu de Siviglia - meda stimau de sa critica - s'est ammostau de luegu po sa calidadi de su baddu. In Casteddu, Campallo at a presentai s'ispettaculu "Triana, la otra orilla", chi at essi acumpangiau de is passus de Antonio Molina “El Choro”, Maria Moreno e Marina Valiente e de si musicas de Juan Campallo a sa ghitarra, Javier Rivera e Vicente Gelo a su cantu. A is percussionis ddu at essi Antonio Montiel.