Ex Scaini: is 94 traballantis ant essi pigaus in is entis pubblicus

(IlMinuto) - Casteddu, 17 de su mes''e paschixèdda - Is 94 traballantis de s'ex Scaini de Biddexidru, chi funt in stadu de "mobilidadi in deroga", a pagu a pagu ant essi pigaus a traballai in is entis localis, de sa provìnzia de su Campidanu de Mesu e de aterus entis pubblicus de su territoriu. Est custu su resurtau de s'acordu de ariseruchi s'est tentu in Casteddu cun s'assessori regionali de su 'Lavoro', cun is rappresentantis de is istituzionis localis e cun is organizzazionis sindacalis de su territoriu. Is partis - si podit liggiri in d'una nota - "si funt impignadas a fai in pagu tempus su verbali de acordu istituzionali".