Espa (Pd): sa Giunta at liau is pranus de assistu "ad personam". 1.000 eurus de mancu a dognia persona

(IlMinuto) – Casteddu, 30 de su mes''e paschixèdda - In su 2010 is pranus de assistu "ad personam" previdius de sa lei 162 de su 1998 ant essi redùxius de 1000 eurus po persona. Ddu dinunziat cun d'una nota in su própriu situ personali su consilleri regionali de su Pd, Marco Espa. "Su 22 de su mes''e paschixèdda - spiegat s'esponenti democraticu - esti stetia pubblicada sa delíbbera de sa Giunta regionali po is pranus de agiudu "ad personam" de sa lei 162 de su 1998. Comenti eus nau, dognia persona at tentu una reduzioni de 1000 eurus, po sa primu borta a pustis de dex'annus. Unu passu agoa in sa calidadi de sa vida de migliaja de sadrus". In su 2009 funti stetias difatis presentadas prus de 28milla dimandas. Espa dinunziat un'emedamentu a su pròssimu "collegato" a sa Finanziaria "po torrai a portai su livellu de assistenzia assumancu a cussu de su 2009".