De S'Alighera a s'imbasciada Usa: fineidda cun is falsidadis, riconoscei diaderus su dirittu nostru de chistionai su catalanu

(IlMinuto) - Casteddu, 14 de su mes''e paschixèdda - S'Alighera, su Rossiglione, is Isolas Balearis, sa Valenzia, sa Catalogna: de custus logus de lingua catalana mèrcuris chi benit a is 11.00 at a partiri una littera crìtica a s'indirizzu de is diversas imbasciadas de is Stati Uniti. Tra custas ddoi at essi puru s'imbasciada de Roma. Cun custa littera sa "Federazione delle Organizzazioni per la Lingua Catalana" - de is calis fait parti s'Arxiu de Tradicions de l'Alguer - bollit dinùnziai s'informazioni mala diffùndia de su 'Dipartimento di Stato Nord Americano' "chi - si podit liggiri in d'una nota - esti iscriendi (n.d.r.: in is rapportus annualis) ca sa lingua spagnola in Catalogna est in d'una situazioni de disvantaggiu". Sa littera, firmada de sa presidenti de sa Folc Elisenda Romeu, ammòstat sa mala obbiettividadi de su rappurtu prus rezenti. "Est evidenti - iscririt Romeu - ca in su rapportu de su 2008, parrit ca bosatrus arregolleis scéti in dinùnzias in d'una direzioni e, puru si chistionais de dirittus umanus, parrit ca is personas chi chistionant catalanu no tengant su dirittu de ddu fai in su territoriu insoru e in su restu de su stadu spagnolu".